Bihar, eguena, Soraluzeko hegoaldeko sarreran eta Sagar Erreka auzoaren sarreran zolatze lanak hasiko ditu Gipuzkoako Foru Aldundiak.
Txurruken kale osoa asfaltatuko du, beheko parketik hasi eta Txurrukena etxearen pareraino. Hori dela-eta, kale hasieran zein kalearen aldapan aparkatuta dauden ibilgailuek erretiratuta egon beharko dute, bihar 08:00etarako. Hartara, asfaltatze-lanak egiteko ez dute zirkulazioa etengo; autoen joan-etorria bideratuko dute aparkalekuak hustuta irabazitako errepide zatitik.
Sagar Erreka
Bestalde, Diputazioak Sagar Erreka auzoaren sarreran ere egingo ditu zolatze-lanak, bihar hasita. Kasu horretan, ez da aparkatutako ibilgailurik erretiratu beharko; auzoko zirkulazioa, berriz, txandaka bideratuko dute.