Herenegun Deba ibaian bistaratu zen orkatzak bertan segitzen du oraindik. Gaur goizean, eguena, Udaltzaingoak ikusi du errepide azpiko petrilean dabilela, atzera eta aurrera. Antza, egunotan, herritar asko dabil animaliari begira industrialdeko barandatik; animalia beldurtu, eta ibaiaren beste aldera joanda dabil. Alde horretan ez du mendira bueltatzeko biderik, baina ez da ausartzen ibaia zeharkatzera. Hori dela-eta, basozainari deitu dio Udaltzaingoak.