Gaur, eguena, bukatuko dituzte zoladura berria botatzeko lanak Ezozibidetik Estazirainoko saihesbide tartean, Arraikuako 3. zenbakiraino. Bihar, berriz, aparkalekuak-eta margotuko dituzte, eta ondoren, errepidea zirkulaziorako zabalduko dute.
Gaur, zoladura berria botatzen bukatu ondoren, hozten lagako dute hura. Obrak egiten dabilen Firmes Alaveses enpresako obra-buruak esandakoaren arabera, zoladura bizkor hozten da, biharko gertu izango da.
Hori horrela, bihar, lurreko seinaleak margotuko dituzte, aparkalekuei-eta dagozkienak. Horrekin, lanak bukatutzat emango dituzte, eta bihar bertan zabalduko dute errepidea zirkulaziorako.
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.