Estreinakoz, odola emateko, aurretiko-zita sistema ezarri zuten, eta horrek asko arindu zuen erritmoa eta jende pilaketa.
Egungo egoerak horrela eskatuta, protokolo zorrotza jarraitu zuten, momenturo osasun neurriak bermatuz; egoitzan sartzerakoan, talde txikietan, lehenengo eskuak gelarekin garbitu, eta eskularruak eta maskara erabili behar izan zituzten odol-emaileek eta, jakina, baita erizainek ere.
Atzokoak emandakoaren ondotik, Soraluzeko Odol-Emaileen elkarteak txalotu egin du odol-emaileek "beste behin" erakutsi duten jarrera. Halaber, elkartetik gogora ekarri dute odola emateko hurrengo hitzordua uztailaren 17an dela.