Udaltzaingoak jakinarazi duenez, egunotan sarri bertaratu zaizkie herritarrak bidegorrian paseoa edo kirola egiteko errespetatu beharreko baldintzez galdezka. Horrez gain, Ertzaintza bidegorrian bertan dabil jendea ohartarazten, Osintxura joanez gero, hango ordutegiak errespetatu egin behar direla.
Izan ere, Soraluzen ez dago ordutegirik. Baina Bergaran bai, eta ondorioz, baita Osintxun ere. Honakoak dira kirola egiteko edo paseatzeko hango ordutegiak:
- 06:00etatik 10:00etara, eta 20:00etatik 23:00etara, helduen kasuan; 10:00etatik 12:00etara, eta 19:00etatik 20:00etara, mendekotasunen bat dutenen kasuan eta 70 urtetik gorakoen kasuan; eta 12:00etatik 19:00etara, 14 urtetik beherako umeen kasuan.
- Paseoa, asko jota, ordubetekoa izan ahal da.
- Kirola egiteko ez dago denbora-mugarik.
Esandako moduan, oraingoz, Ertzaintza ohartarazpenak egiten ari da. Baina lehen abisua jaso duenak bigarrenean isuna jasotzeko arriskua dauka.