Gaur, ezustekoa hartu du herritar batek Sagar-Errekako putzurako bidea itxita ikusi duenean.
Alkateari galdetuta, Iker Aldazabalek esplikatu du aste honetan gazte-pilatzea eman dela bertan. Xehetasunen arabera, herritar batek Udaltzaingoari ohartarazi zion gazte-talde bat zegoela putzuan, elkarren arteko distantziak gorde barik. Udaltzaingoa bertaratu, eta egoera ikusita, bidea ixtea erabaki zuen.
Alkateak adierazi du “jendea erantzukizunez ibiliko balitz, edo banan-banan…” baina ez dela horrela izan, eta horregatik dagoela itxita Sagar-Errekako putzurako bidea.
Bestalde, herritar berak galdetu du ea badagoen erreketan bainua hartzerik. Horri erantzunez, alkateak gogora ekarri du oraingoz kirola egin daitekeela eta paseora joan, ez besterik.