Aurtengo aurrekontuan jasota dagoenez, bota egingo dute Errekalde kaleko 10. zenbakiko etxea. Aurri egoeran deklaratuta dago, eta joan den legealdian Udala etxe haren jabe egin zen, botatzeko asmoarekin.
Oraindik ez dago hura botatzeko datarik zehaztuta; bien bitartean, oinezkoen segurtasuna bermatzeko, Udalak pibote bidez eragotzi egin du eraikinaren azpitik pasatzea, teilak eta bestelako elementuak jausteko arriskua dagoelako. Bart gauean, esaterako, haize ufada handiak izan ziren.