Igoera espero zen, eta horrela gertatu da: Soraluzen, langabeziak ia puntu bat egin du gora azken hilabetean. Hala, %14,94ko langabezia-tasara iritsi da apirilean, martxoan, berriz, %13,82koa izan zuen.
Debak baxuena
Gainera, 2020. urtea hasi zenetik, Soraluzekoa da eskualdeko langabezia-tasarik handiena eta orain ere halaxe da. Eibar dago bigarren lekuan, %14,78ko tasarekin. Eta langabezia-tasarik txikiena, berriz, Debak dauka, %8,03arekin. Eta Debabarreneko batez besteko tasa da %12,48.
Hona hemen datuak, udalerriz udalerri
- Deba 214 %8,03
- Eibar 1.883 %14,78
- Elgoibar 578 %10,45
- Mendaro 97 %9,81
- Mutriku 250 %9,39
- Soraluze 280 %14,94
- Debabarrena 3.302 %12,48