Gaur goizean, zapatua, Elgoibartik mendi-ibilia egitera joan diren bost lagunen artetik batek -53 urteko gizonezkoa- ondoeza sentitu du bat-batean, eta mareatu egin da. Karakatera bidean zihoazen, eta antenara ailegatzeko 200 bat metrora izan da gertakaria.
Ertzaintzak emandako informazioaren arabera, 09:00ak inguruan jaso dute abisua larrialdi zerbitzuek. Protokoloari segituz, Ertzaintza, anbulantzia eta suhiltzaileak bertaratu dira. Suhiltzaileek esan dutenez, badaezpada bertaratu dira Arrateko suhiltzaileak, halakoetan sarri eraman behar izaten dute-eta ondoeza izan duen pertsona anbulantziaraino ohatilan.
Ertzaintzak esan duenez, kasu honetan, ondoeza sentitu duen gizonezkoaren lagunek jaitsi dute hura anbulantziaraino, eta osasun sanitarioek, berriz, Mendaroko ospitalera eraman dute.