Goiztiarrenek egin dute lehen irteera
2020ko api. 26a, 12:12
Gaur, alarma egoera ezarri zutenetik ume gehienendako lehen irteera izan den honetan, guraso eta ume gutxi batzuk goizago ibili dira kalean. Hala egin dute pentsatuz erosoago eta lasaiago ibiliko zirela jende gutxiago kalean dela. Etxeko txikienak irribarrea ahotan eta jostailuak eskuetan irten dira etxetik. Hori bai, ordubeteko paseoa errespetatu dutenei motza egin zaie lehen irteera. Honezkero, biharko ordubeteko paseoaren zain izango dira.