“Edozein motako” NBEak egiten dituzten hornitzaile bila ari da Debegesa: maskarak, hidrogelak, manparak, seinaleak… Material hori enpresei helarazteko banatzaileak ere behar ditu.
Eskualdeko garapen ekonomikorako elkartearen helburua da Debegesako web orrian direktorio bat sortzea, hartara, lanera bueltatu diren enpresek prebentziorako materiala non eskuratu jakin dezaten.
Harremanetarako bideak
Hornitzaile zein banatzaile izanez gero, honako bideak helarazi ditu Debegesak elkartearekin harremanetan jartzeko:
- Izen-emate formularioa.
- Posta elektronikoa: pymes@debegesa.eus
- 680 83 79 01 zenbakira deitura edo WhatsApp bat bidalita.