Koronabirusa

Positibo bat atzeman dute egoitzan, baina uste dute gaixotasuna gainditu duela eta gainerakoek ez dutela kutsatzeko arriskurik

Mesedeetako egoitzan Covid-19 gaitza duen egoiliar bat atzeman dute. Hori bai, probetan positibo eman du, baina asintomatikoa da, eta gaitza pasatu duela konfirmatzeko beste proba bat egingo diote gaur, astelehena. Izan ere, gaitza pasa badu, dagoeneko ez da arriskutsua besteentzat. Egoitzan bizi diren edo lanean diharduten gainerako guztiek negatibo eman dute probetan.

Mesedeetako egoitzako langile eta egoiliar guztiei egin berri dizkiete koronabirusaren probak. Haien emaitzen arabera, egoiliar batek Covid-19 gaitza dauka, baina ez ditu gaixotasunaren sintomak garatu. Gainera, beste proba bat egingo diote, ze gaixotasuna pasatu badu, dagoeneko ez da arriskutsua izango gainerakoentzat.

Gainerako egoiliar eta langile guztien emaitzak, berriz, negatiboak izan dira. Horrenbestez, egoitzako zuzendaritzak uste du kanpotik bertaratutakoren batek kutsatu duela egoiliarra.

Orain, positibo eman duen egoiliar hura bakartuta dago, harik eta gaurko probaren emaitza ikusi arte.

Herrian, 10 lagun

Azken positibo horrekin, 10 herritar daude Covid-19az kutsatuta Soraluzen. Eskualdeari dagokionez, berriz, datu ofizialen arabera 251 debabarrendar daude kutsatuta, Eibarren gehienak: 188; Mendaron, berriz, gutxien: lagun bakarra.

Datuak egunero eguneratzendira Plaentxia.eus atalean, Azken Datuak botoian sakatuta, 14:00etatik aurrera.