Alarma egoera deklaratu zenetik lehen aldiz ipini dituzte euren postuak azoka txikiko saltzaileek. Hala ere, kontatu dute saltzeko baimena oraindik ez dutela udalerri guztietan eskuratu; eta beste hainbat udalerritan murrizketak ezarri dizkietela salmenta egiteko, postu txikiagoak eramatea, eta abar.
Horrez aparte, gaur, behintzat, erosle gutxitxo ibili da azoka txikian. Segurutik, alde batetik, askok jakin ere ez dute egin etortzekoak zirenik. Baina bestetik, oraingo eta koronabirusaren aurreko erosketa ohiturak ez dira berak. Finean, bada, kezka handia dago baita azoka txikiko saltzaileengan ere.