Arratsaldero musika emanaldia Estaziñoan eta Kalongen

Konfinamendu egoera dela eta, elkartasun eta animazio ekimen ugari sortu dira herrian. Horietako bat da Estazio eta Kalonge kaleetako musikariek arratsaldero arratsaldero eskaintzen duten musika emanaldia. Grabazioa: Egoitz Unamuno. Argazkiak: Fernan Oregi. Edizioa: Gaizka Azkarate. 

Ekimena Itziar Burunza eta Iñaki Quintanilla soinujoleek abiatu zuten, eta poliki-poliki beste hainbat musikari ere batu zaizkie: Lide Sodupe pianoarekin, Haizea Makinai eta Maite Quintanilla panderoarekin, Jurdana Viciosa trikitixarekin, Izaro Vega gitarra elektrikoarekin, Andoni Ariznabarreta tronboiarekin…

Errepertorioa gero eta landuagoa da: polkak, kalejirak, pasodobleak… Martxa honetan eta horrenbeste emanaldi eskainita, konfinamendua amaitzen denean herriko plazan jotzeko moduan izango dira. Bejondeizuela!

Erlazionatuak

Estaziño-Kalongeko musika emanaldia (bertsio laburra)

Soraluze

Apirilaren 4ko musika emanaldiaren bertsio laburra. 
Apirilaren 3ko emanaldia

Soraluze

Apirilaren 3ko emanaldia osorik.