Covid-19ak Soraluzen eta soraluzetarrengan izan duen eraginaren nondik norakoak jaso ditugu 362. alean: mediku, udaltzain eta herriko eragileei egindako elkarrizketak, osasungintzako datuak, laguntza bideen gaineko informazioa, elkartasun ekimenen ingurukoak, konfinamenduko argazki bilduma, iritzi-zutabeak... Askotariko informazio eta ikuspuntuak aurkituko dituzu martxoko alean.
Banaketari dagokionez, jakinarazi nahi dizugu prentsa banatzea baimenduta dagoela eta Pil-pileanen banatzaileak hartu beharreko segurtasun neurriak hartuta diharduela aldizkaria banatzen. Bestalde, aldizkaria postakutxan edo herritik kanpo jasotzen duzuen harpidedunoi jakinarazi nahi dizuegu, ale horiek Correosek zerbitzua berrezarri orduko bidaliko ditugula.
Bitartean, martxoko alea Plaentxia.eus-en irakur dezakezue PDFan, HEMEN klikatuta.