Tarte estuak Kalegoen zuen izena, eta Soraluzeko sorreratik dator ia osorik; hau da, Ertarotik. Tarte zabala, berriz, askoz ere modernoagoa da. (http://www.sorapedia.eus/wiki/Santa_Ana_komentua_(eu))
Ondo begiratu beharrekoa
Meltxorrenea (Usatorre ere) dagoen orubean aspaldi batean Irusagarreta baserria zegoen (Santa Ana 18).
Euren ortuetan Santa Ana komentua egin zuten (1692), gaur egun Santa Ana 22 zenbakian.
Ia 50 urte geroago (1742) ortuetarako pasabidea egin zuten, Santa Anako arkua. “Zezena dator arkupetik, sua dario adarretik, jea! Jea! Santana kaletik!”. Abestiak urte mordoa ditu, sokamuturrerako zezenak bertatik irteten ziren… 1730 arte, plaza Zaharrean zegoen Matadero Zaharra egin arte (gaur egunean anbulatorioa).
Komentua bota zutenean (1978), etxe multzoa jaso zuten bertan. Ondo begiratu eta gero, Santa Ana 20 eta 22 zenbakien artean oraindik agertzen da komentuaren mehelin (edo pareta) sendoa.