Osasun profesionalek urpekaritza egiteko maskaren eskaera egin, eta berehala halako mordoa jaso zituzten EAEko leku askotan. Soraluzeko Udaltzaingoan bost herritarrek eman dituzte, eta bulegoan dituzte gordeta, jatorrizko poltsetan.
Izan ere, oraingoz, ez dituzte inora ere entregatuko. Hainbat ospitaletan probak egiten dabiltza egiaztatzeko snorkel egiteko maskarak baliagarriak diren osasungintzako profesionalentzat. Oraindik ez dute egiaztatu, eta horregatik ez dira inora eraman behar.
Bueltan jasotzeko
Hori horrela, Udaltzaingoak dei egin die snorkel maskara eman duten soraluzetarrei haien bila joan daitezen. Udaltzaingoak maskaren jabeei datuak hartuko dizkie, eta aurrerago, maskaren beharrik balego, jabeekin harremanetan jarriko dira.