Covid-19aren izurria argitzen

Ana Galarraga.

Elhuyarrek prestatutako “COVID-19aren izurria argitzen” bideo-pilulak zabalduko dira, gaur hasita, egunero, euskarazko 30 hedabide baino gehiagotan. Ana Galarraga kazetari ezaguna izango da bideotako aurkezlea.

Elhuyar Zientziako lantaldeak koronabirusaren inguruko argibideak emateko bederatzi bideo-pilulako sorta bat prestatu du, gaur hasi eta egunero-egunero argitaratuko dena. Ana Galarraga Aiestaran Elhuyarreko kideak minutu bateko bideoetan hainbat gai landu ditu, hala nola, birusaren jatorria, komunitate zientifikoaren ahalegina, adinaren araberako eragina, emakumeak zaurgarriago izatea, edota tratamenduen inguruan.

Elhuyarren sare sozialetan eta zientzia.eus atarian zabalduko da edukia, eta horrezaz gain, euskarazko 30 hedabide baino gehiagotan ere hedatuko da edukia, webgune, telebista eta irrati-emisioen bidez.

Koronabirusak sortu duen egoera berezi honetan, herritarrei euskarazko informazio irizpidedun eta kalitatezkoa ematea ezinbestekoa da Elhuyarren ustez, eta lan horrek hedadura handiagoa izan dezan, euskarazko komunikabideekin elkarlana sendotzeko abagunea aprobetxatu nahi izan du, eduki hori guztion eskura jarriz.

Erlazionatuak

1.ATALA: Saguzarretatik gizakietara

Soraluze

Lehen atal honetan birusaren jatorriaz hitz egingo dugu. Saguzarretatik pasa da gizakietara, eta beste koronabirus batzuekin antza du COVID-19 honek.