Bihar, martxoak 29, egingo dute ministroen ezohiko batzarra eta bertan onartuko dute "salbuespeneko neurria". Momentu horretatik aurrera, funtsezkotzat jotzen ez diren jarduerak eten egingo dira zortzi egunez, Aste Santuko oporrak arte. Langileei "ordainpeko baimen berreskuragarria" emango diete eta etxean geratuko diren egunei dagokien soldata jasoko dute. Etenaldia amaitu ondoren, jarduera berrabiatzen denean, ordu horiek berreskuratu egin beharko dituzte, "mailaka, eta denboran banatuta".
"Erabateko geldialdia saihesteko" neurria
Sanchezek azaldu duenez, neurria "oso beharrezkoa da ekonomikoaren erabateko geldialdia saihesteko" eta zehaztu du ministroen ezohiko batzarrean zehaztuko direka ezinbesteko jarduerak zein diren. Hala ere, aurreratu du kazetaritza funtsezko jarduera horien artean izango dela: "Hedabideek zerbitzu esentziala eskaintzen dute. Krisialdi honetan sekulako lan garrantzitsua egiten ari dira".