Azken egunotan, Udaltzaingoaren patruila musikalak geldialdi berezia egiten dihardu anbulatorioaren aurrean, 12:00etan. Egun gogorrak bizitzen ari dira bertako langileak, eta aitortza eta omenalditxo modura, Duo Dinamicoren Resistire kantuaren bertsioa ipintzen diete udaltzainek.
Bederatzi langile
Gaur ere, barikua, halaxe egin dute. Anbulatorioko medikuek eta erizainek eskerronez hartu dute ekimena. Kalera jaitsi dira, txaloka egin dute, dantzan ere bai, eta erakutsi dute indartsu daudela, lanean segitzeko.
Hortxe, lan eta lan egon dira egunetik egunera Lourdes Letona, Ana Zubiaurre, Rocío Flores eta Amaia Muniain medikuak; Alazne Mujika, Belen Lizaur eta Inma Zurieta erizainak, Yolanda García eta Maria Belen Ulacia administrariak eta formazioa egiten dabilen Ruth erresidentea. Bejondeizuela, eta mila esker!