Erakunde publikoen informazioa

Mediku kontsultetara ez joateko eskatu diete herritarrei

Eibarko ospitalea.

Debabarreneko osasun zerbitzuetako zuzendaritzak pazienteei eskatu diete “programatuta dituzten kontsultetara ez joateko, euren mediku arduradunek berariaz agindu ezean”. Gaineratu dutenez, bakoitzaren mediku arduradunek “deituko diete hitzordu horretara joan edo ez esateko”.

 

Honako oharra helarazi nahi dute Debabarreneko ESIko zuzendaritzatik: “Gaur egungo osasun-larrialdi egoera dela-eta, Debabarreneko ESIko zuzendaritzak herritarrei, eta zehazki, ESIa osatzen duten zentroetako pazienteei, bai Mendaroko eta Eibarko ospitaletakoei, bai eta osasun-zentroetakoei, eskatzen die, mesedez, programatuta dituzten kontsultetara EZ joateko, beren mediku arduradunek berariaz agindu ezean; haiek deituko diete hitzordu horretara joan edo ez esateko. ESIko profesionalek biztanleria egiten ari den ahalegina biziki eskertzen dute”.