Estazio kalean izan dira gertakariak, 03:00ak aurretik, Segurtasun Sailak jakinarazitakoaren arabera. 03:30ean, Ertzaintza bertara ailegatu denean, gizonezko bat aurkitu dute kalean, eta hark esan die etxean pertsona bat hilda zegoela, eta etxeko atea zabalik laga duela. Ertzaintza etxera sartu denean, hilda aurkitu dute 74 urteko emakumea, aurpegian hematoma handia zuela.
Oihu handi bat
Lekukoek kontatutakoaren arabera, 02:00ak aldera hasi dira etxe barruan zaratak entzuten. Eta geroxeago oihu handi bat entzun da. 03:30ean Ertzaintza etorri da, eta 10:00ak aldera arte-edo egon dira poliziak eta epailea eta Estazio kaleko 13. zenbakian. Semea, berriz, atxilotuta eraman dute, "etxeko indarkeriaren esparruko hilketa-delitua leporatuta".
Soraluzeko Mugimendu Feministak eskatu du balkoietara era leihoetara ateratzeko zapi eta egun moreak, “hilketa matxista hau salatzeko”.