Honako neurri ezohikoak hartu dituzte Soraluzeko anbulatorioan datozen 15 egunotarako, gutxienez.
-
Ez dituzte analitikarik egingo. Onkologikoak eta urgenteak salbu.
-
Erizaintzako kontrol kontsultak bertan behera laga dituzte, Sintrona salbu eta aldez aurretik zehaztutako kurak salbu.
-
Medikuak ahaleginduko dira telefonoz ematen arreta.
-
Beharra duten herritar guztiak artatuko dituzte, baina herritarrak etxetik irtetea saihetsi egin behar da.
Elgoibarkoa
Elgoibarko PACari dagokionez, atzotik dago itxita. Asteburuetan bakarrik emango dute arreta bertan, 08:00-20:00ak bitartean. Telefono bidezko arreta jasotzeko, honako hauxe da telefono zenbakia: 943 03 26 10. Hala jakinarazi du Debabarreneko ESIko gerente Marbella Garciak.
Bien bitartean, norbaitek aurrez aurreko osasun arreta behar badu, Eibarko Torrekuako PACera jo dezake; larrialdi egoeran, beriz, Mendaroko ospitaleko larrialdi zerbitzuetan artatuko dute.
Mendaro
Mendaroko ospitaleari dagokionez, han bertan behera laga dituzte espezialisten kontsultak. Horrez aparte, aldatu egin dute larrialdi pediatrikoetarako arreta-gunea.
Barren.eus atariak jaso ditu Mendaroko ospitalearen zerbitzuen gaineko informazio gehiago