Koronabirusa

Kooperatiban neurri zorrotzagoak, bihartik

Kooperatibako langilea guanteekin, barikuan.

Bihartik, astelehena, Kooperatiba barruan, gehienez, 15 pertsonako multzoak egon ahalko dira; denda barruan plastikozko eskularruak derrigorrez erabiliko dira eta pertsonen artean metro bateko segurtasun distantzia gordeko da.

Datozen egunotan zerbitzua ematen segituko duten udalerriko saltokietan neurriak zorroztu egingo dituzte. Kooperatibako Errektore Kontseiluak esaterako, erabaki du, bihartik, astelehena,“langileen eta bezeroen osasuna bermatzeko” honako hiru neurriak jartzea abian:

  • Denda barruan, gehienez, 15 laguneko multzoa egon daiteke.

  • Denda barruan, plastizkozko eskularruak derrigorrez erabiliko dira.

  • Pertsonen artean metro bateko segurtasun distantzia gordeko da.