Hona hemen Soraluzeko anbulatoriotik herritarrei helarazi dieten mezua, Plaentxia.eus ataria baliatuta.
“Une honetan bizi dugun egoeraren aurrean, baikortasun eta lasaitasun mezua helarazi beharra dago. Ikusi dugu birusak zein garapen izan duen Txinan, eta ez da izan gripearena baino gogorragoa. Normala da gaixotzeko edo ingurukoak gaixotzeko beldur izatea, baina beldur horrek zuhurrago izatera eraman behar gaitu, ez histerikoago.
Osakidetzaren jarraibideak bete egin behar dira, eta whatsapp bitartez ailegatzen diren buloak ez sinistu. Ondo informatuta egon nahi badugu, Osakidetzaren, Espainiako Osasun Ministerioaren edo MOE Munduko Osasun Erakundearen web orriak kontsulta daitezke”.