Greban diharduten Mesedeetako egoitzako langileek, gaur, 18:30ean egin dute hitzordua. Plaza Berrian elkartuko dira, eta bizi duten gatazkari buruzko esku-orriak banatuko dituzte, elkarretaratzea egiteaz bat.
240 egun greban
Gaur, martxoak 11, 240. greba eguna bete dute Gipuzkoako zaharren egoitzetako langileek, ELA sindikatuaren eskutik.
Besteak beste, eta pasatu berri den Martxoaren 8aren harira Diputazioak egindako adierazpenei erantzunez, egoitzetako langileek gogora ekarri dute %90ean Diputazioak finantzatuta dagoen zerbitzu publikoa dela erresidentzietakoa, eta gizonezko langileak dituen azpikontratatutako maila bereko beste zerbitzu publiko batekin alderatuz, urtean 6.000 euro gutxiago kobratzen dutela. "Soldata arrakalarekin benetan amaitu nahi baldin badu Aldundiak, aukera paregabea dauka erresidentzietako gatazka konpondu eta aste honetan hartu duen konpromisoa betetzeko", berretsi dute.