Martxoaren 8rako guztia gertu lagako dute egunaren bezperan, zapatuan. Izan ere, domekan, goizetik hasiko dira Martxoaren 8arekin lotutako ekimenak: 11:30ean, Irradaka dantza entseatuko dute Plaza Berrian; 12:30ean manifestazio mistoa egingo dute Plaza Berritik abiatuta, eta ondoren, Plaza Zaharrean dantza-saioa egingo dute. Eguna borobiltzeko, bazkari autogestionatua egingo dute Plaza Zaharrean eta 16:00etan serigrafia tailerra, hori ere Plaza Zaharrean.
Martxoak 8 Emakumeen Nazioarteko Eguna
M8rako motorrak berotzen
Atzo iluntzean, eguaztena, sormen tailerra egin zuten Gaztetxean, M8 Plataformaren eskutik. Eta asteburuan “bide artistikotik” eta sormenetik segituko dute M8aren bueltako ekimenek: zapatuan, 17:30ean Gorputza esnatu ta txispa piztu tailerra eskainiko dute Iratik eta Asunek (kiroldegiko pilates gelan), eta ostean, 19:30ean, herria apaintzeko triki-poteoa abiatuko dute.
ALBISTEAK ESKUKO TELEFONOAN
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.