Abenduko haizetea futbol zelaiko harmailetako estalkia apurtzen hasi zela ikusita, Udalak aseguruari parte eman, eta estalki berria ipintzea erabaki zuen.
Oraingo estalkiaren material bera erabili barik, txapa erabiliko dute berrirako. Iker Aldazabal alkateak jakinarazitakoaren arabera, harmailen fondoan hasita daude berria ipintzen, estalkia hantxe zegoen-eta egoera okerrenean.
13.500 euro
Gainerako estalkia aldatzeko, berriz, materiala ailegatzeko zain dago errementaria. Hura jaso bezain laster aldatuko du estalki osoa. 13.500 euroko aurrekontua dute zaharberritze lanek, baina aseguru etxeak - Mapfrek- bere gain hartuko du kostuaren 7.500 euro.