Gaur eguerdian, zortzi puntu dituen komunikatua irakurri dute pentsio publiko duinen aldeko elkarretaratzean, Kontzejupean. Emakumeen eta gizonezkoen arteko desberdintasunak eta, oro har, emakumeek jasaten duten “diskriminazioa, soldata eta pentsioen desberdintasuna eta sexu eta genero bortxakeria” salatu dituzte. 60 bat herritarrek parte hartu du protesta ekimenean.
Salaketak
Salatu dute, esaterako, %28ko soldata arrakala ematen dela gizonen eta emakumeen artean; emakumeek kotizazio baxuagoak izaten dituztela, haien kontratu tenporalek eta partzialek eraginda; herrialdeko aberastasunari ekarpena egin arren, emakume ugari kontraturik gabeko langile direla eta emakume ugarik indarkeria matxista jasaten duela.
Aldarrikapenak
Halako egoerei aurre egiteko, berriz, exijitu dute, besteak beste, kontraturik gabeko emakumeen lana aitortu dezatela, soldatetan eta pentsioetan berdintasuna berma dezatela eta kotizazioen baldintzak zuzentzea.
Domekarako deia
Horrekin atera, domekan, Martxoaren 8an izango diren mobilizazioetan parte hartzeko gonbita helarazi dute:
- 11:30ean: Iradaka dantza, Plaza Berrian
- 12:30ean: manifestazio mistoa, Plaza Berrian
- 14:00etan: bazkari autogestionatua, Plaza Zaharrean
- 16:00etan: serigrafia tailerra, Plaza Zaharrean