Gipuzkoako egoitzetako gatazka luzatzen dabil. Otsailaren 7an 207 greba egun bete zituzten langileek, eta ELA sindikatuaren eskutik, jakinarazi zuten gutxienez luzatu egingo zutela greba martxoaren 8ra arte.
Gatazkan inplikatutako aldeen negoziazio-mahaia, berriz, geldi dago, besteak beste, ELA sindikatuko ordezkariak ez ziren-eta azken deialdira bertaratu, negoziatu beharreko baldintzetan ez zuten-eta inolako aldaketarik ikusi.
Mobilizazioak
Gauzak horrela, grebarekin segitzeaz aparte, udalerriz udalerriko mobilizazioei ere eutsi egingo diete protestan diharduten langileek, eta zentzu horretan, gaur 19:00etan Plaza Berrian elkarretaratzea egingo dute Soraluzeko egoitzako hainbat langilek. Ildo beretik, datorren astean mobilizazio gehiago egingo dituztela iragarri dute.