13:00ak ingururako Gabolatseko aldapara jaitsita zituzten moztutako bi palmondoen enborrak eta adarrak. Aldapan bertan zatitu zituzten enborrak. Debemeneko langileek jakinarazitakoaren arabera, 2,5 tona 3 tona inguruko pisua zuten enborrek; eta palmondo txikienaren adarrek, berriz, 700 kilo pisatu zuten. Guztira, 6-8 bat metro altu ziren zuhaitzok.
Lanak koordinatu behar
Gabolats-buruko hirugarren palmondoa, etxeen bitartean dagoena, berriz, ezin izan zuten kendu. Besteak beste, hura kentzeko garabia beste leku batean ipini beharko dute. Litekeena da bialean, bidegorrian ipini behar izatea, eta palmondoa hara gora eraman behar izatea. Horretarako, baina, lanak ondo koordinatu behar dituzte, besteak beste, bidegorriko zirkulazioa eten egin beharko dutelako, eta horrek autobus zerbitzuari ere eragingo liokeelako.