Partidu zaila zuten Sorako gorengo mailako taldekoek asteburuan: sailkapenean hirugarren doan Beasain taldea izan zuten aurrez aurre, haien etxean, gainera, eta 0-1 irabazi zuten soraluzetarrek.
Zapatuan, bada, emaitza on horrekin zelairatuko dira Antzuola Kirol Elkartearen kontra. Sailkapeneko 15. postuan daude haiek, azken-aurrekoak. Haiei irabaziz gero, bada, taularen erdialdean sendotu egingo litzateke Sora. Zapatuan, 17:00etan hasiko da partidua, Ezoziko Futbol Zelaian.
Kanpoan
Bestalde, Sorako gainontzeko taldeei dagokienez, kadeteek eta benjaminek kanpoan dituzte hitzorduak. Kadeteek Irunera bidaiatu beharko dute, Mariñoren kontra jokatzeko, zapatuan, 11:00etan. Pasa den asteburuan zerona berdindu zuten Martuteneren kontra.
Bejaminek, berriz, Debara, Amaika Bat taldearen kontra jokatzeko, domekan, 09:30ean hasita.
Eta azkenik, infantilek etxean dute hitzordua, haiek zapatuan, Eibartarrak taldearen kontra, 11:30ean. Indartsu zelairatuko dira infantilak, hain justu, 0-9 irabazi baitzioten Eibartarrak taldeari joan den asteburuan.