Astelehen buruzuria izan arren, gaur ere argi ikusi da San Blas egunak indar handia duela Soraluzen, eta bete-beteta egon da Santa Maria la Real parrokia sanblas opilen liturgia denboran. Aldarean San Blas bera zaindari zela, bertaratutakok ahalik eta gehien goratu dituzte opilak On Luisek hisopoari eragiten zion bitartean.
Liturgia bukatuta, hainbatek aprobetxatu du San Blas bertan zela irudiaren ondoan argazkiak ateratzeko. Gehienek, hori bai, familian edo lagunartean elkartu eta sanblas opildun zapiak erakutsiz atera dituzte oroitzapenerako argazkiak, eliz atarian zein Plaza Berri inguruan.