Protesta eta hamaiketako gozoa. Atzo, biak egin zituzten Kontzejupean pentsio publikoen aldeko asteleheneroko elkarretaratzean elkartu zirenek.
Protestari dagokionez, egueneko greba orokorrari begiratu zioten. Besteak beste, Estatutik jasotako atxikimenduen berri eman zuten. Batzuk aipatzearren, jakinarazi zuten mobilizazioak egingo dituztela Galizian, Aragoin, Asturiasen, Madrilgo Erkidegoan, Andaluzian eta Katalunian. Eta atxikimenduak helarazi dituztela, berriz, honakoek, bestak beste: Madrilgo pentsiodunen mugimenduak, Indignados Móstoles y Alcorcón, Lleidako En Marea eta beste hainbatek.
Osteguneko grebari dagokionez, berriz, gogora ekarri zuten kontsumo greba re izango dela, beraz, eskatu zuten erosketak-eta bezperan egiteko. Horrekin batera, egongo diren mobilizazioen berri ere helarazi zuten.