Etzi, eguaztena, konponketa lanak egingo dituzte Atxuriko igogailuan; lanok eguenerako zeuden aurreikusita, baina greba deituta dagoenez, aurreratu egingo dituzte. Besteak beste, goiko igogailuaren oinezkoen pasabideko metalezko txapa konponduko dute. Bestalde, oraindik ez da ailegatu Galipoteko igogailurako pieza.
Goiko igogailuaren metalezko txapa, igogailutik irteteko pasabidearena ugertuta dago azpiko aldetik, eta oinezkoen segurtasuna bermatzeko, Udalak hura konpontzea erabaki du. Horretarako, goiko estalkia kendu egin beharko dute.
Hala, Udalaetik jakinarazi dute eguaztenean egingo dituela lanok errementariak, baldin eta eguraldiak laguntzen badu.
Galipotekoa geldi
Bestalde, Galipoteko igogailuari dagokionez, hura oraindik matxuratuta dago, geldi. Izan ere, oraindik ez da ailegatu hura konpontzeko beharrezkoa den pieza.
