EH Bilduk ere agiria kaleratu zuen atzo polizia operazioa kritikatuz: "Ezer ez da kasualitatea. Atxiloketa hauek ere ez. Bultzatzen ari garen agenda demokratizatzaileari Estatu aparatuek emandako erantzunaren aurrean gaude".
Atxilotuak aske
Atzo arratsaldean, epailearen aurrean deklaratu ahala laga zituzten aske goizean Espainiako Auzitegi Nazionalaren aginduz Guardia Zibilak atxilotu zituen Sortuko lau kideak; Antton Lopez Ruiz, Oihana San Vicente, Haimar Altuna eta Oihana Garmendia. Barne Ministerioak jakinarazi duenez, “terrorismoaren goratze” eta “biktimen umiliazio” delituak egozten dizkiete.