Gogotsu astindu zituzten danborrak

Atzo, astelehena, Tatiago, Iriyarena, Diana eta antzerako kantuak interpretatu zituzten Plaentxi Eskolako gaztetxoenek nork baino nork iaioago. Gurasoen begiradapean, irakasleen gidaritzapean eta Sarriegiren doinuekin dantzan ospatu zuten San Sebastian eguna.

Joan den astean buru-belarri jardun zuten Plaentxi Eskolako Haur Hezkuntzako ikasleek sukaldari txapelak egiten eta danborradako doinuak entseatzen. Eta atzo, urtarrilaren 20an erakutsi zuten emaitza, 16:00etan hasita, eskolara gonbidatu zituzten gurasoen aurrean danborrada eginez.