Ingurumen eta Landa Garapen sailaren bitartez erosi du Udalak egurra birrintzeko makina. Kontuan hartuta orain udal lan taldea herriko zuhaitzak kimatzen dabilela, bertako adar soberakinak makina berriaren bitartez birrintzen hasi dira dira, gero, hondar hori konpost-guneetako egituratzaile modura erabiltzeko. Soraluzen hiru konpost-gune daude: Ezozibiden, Etxaburuetan eta Gipuzkoa Etorbidean.
"Horrez aparte, egituratzaile hori udalerriko lorategietan ere erabili ahalko da. Beraz, lehen garbigunera eramaten zena, birrintzaileari esker, orain herrian bertan erabiltzeko aukera izango da", esplikatu du Iker Aldazabal alkateak.