Atzo, 18:00ak pasa zirenean igo ziren suhiltzaileak, anbulantzia, Ertzaintza eta Udaltzaingoa San Andres auzora. Istripu baten abisua jaso zuten, lanean zebilen pertsona bat autopean harrapatuta geratu baitzen.
Suhiltzaileek eta Ertzaintzak emandako informazioaren arabera, baso pista batean lanean zebilela, Land Roverra irauli, eta gidaria azpian harrapatu zuen autoak. Suhiltzaileek atera zuten gizonezkoa ibilgailuaren azpitik, eta anbulantziak Mendaroko ospitalera eraman zuen, hanka baten min hartuta.