Emakume bati egindako erasoa gaitzesteko elkarretaratzea deitu dute arratsalderako

Indarkeria matxistaren aurkako elkarretaratzea iazko uztailean.

Erasoa urtarrilaren 14an gertatu zen Gabolats kaleko etxebizitza batean baina Udalak eta herriko mugimendu feministak gaur eman dute erasoaren berri. Arratsaldean, erasoa gaitzesteko elkarretaratzea antolatu dute eta dei egin diete herritarrei bertan parte har dezaten.

Mugimendu feministak jakinarazi duenez, urtarrilaren 14an gizonezko batek emakumezko bat erasotu zuen herrian, Gabolats kaleko etxebizitza batean.

Udaltzaingoak eta Ertzantzak erasoa gertatu zen egun berean atxilotu zuten erasotzailea eta ordu batzuk kalabozoan eman eta gero, hurrengo egunean epaileak aske laga zuen urruntze agindua ezarrita.

Emakumezkoa eta hiru seme-alabak harrera etxe batean daude, eraso matxisten biktimen babeserako protokoloak agintzen duen bezala.

Erasoa salatzeko, Soraluzeko Udalak eta herriko mugimendu feministak elkarretaratzea deitu dute gaur arratsaldeko 19:00etarako, Plaza Berrian. Udalak, gainera, adierazpena kaleratu du. 

Erlazionatuak

Eraso matxista gaitzesteko adierazpena

Erabiltzailearen aurpegia Soraluze

Soraluzeko Udalak gogor salatu nahi du joan den asteartean, urtarrilak 14, gure herrian izan zen eraso matxista; elkarretaratzea deitu du gaur arra...