Gaur goizean, eguena, hasi dira abiadura murrizteko banda berriak jartzen Errabal kalearen hasiera aldean. Herrigunera ailegatu ahala, ibilgailuen abiadura gehiago murriztu eragiteko neurria da berau; antza, gorri koloreko lurzoru berezia eta lehenagoko autobus geltoki parean jarritako banda ez dira nahikoa hori lortzeko, eta beste hiru banda ipiniko dituzte: Gila tabernara ailegatu baino lehenago, Gaztelupe tabernaren parean, eta Baltegieta kalearen 17. atariaren parean.
Banda berri hauek alderik alde hartzen dute errepidea, eta koska nahiko handia dute, beraz, ibilgailuek derrigorrean jaitsi behar dute abiadura, ez badute autoan kalterik eragin nahi behintzat.