Aratuste zapaturako, otsailaren 22rako Bertsio Gaua antolatu nahian dihardu gazte talde batek. Kontzertua Zentroan, Gaztetxean izango da. Parte hartzeko interesa duenak honako telefono zenbakira deitu edo idatzi behar du: 649228040 (Mikel). Gazteen helburua da hainbat bertsiorekin kontzertu osoa antolatzea, Aratuste zapatu gaua herrian bertan girotzeko.
Dantzaldia
Bestalde, Aratuste martitzenean gaztetxoei zuzendutako dantzaldia izango da kiroldegiko frontoian, 17:00etan hasita. Aste honetan banatu dituzte izen-emate orriak Plaentxi Herri Eskolan; izan ere, azken urteotan, ikastetxeko mailen edo gelen arabera antolatutako taldeek egin dituzte dantzaldiko koreografiak.
Horrekin batera, dantzaldirako guraso boluntarioak lortzeko deialdia ere egin dute; haiek arduratzen dira umeen entseguez, mozorroez eta bestelakoez. Bi kasuetan, barikurako itxita izango dira izen-emateak.
Azken urteotan ehun neska-mutiko pasak parte hartu izan du martitzeneko dantzaldian.