1865eko urtarrilaren 13a: Ohiko armagintzaren gainbehera
Espainian arma ekoizpenaren monopolioa desagertu zen. Eta hurrengo martxoan Soraluzeko Erret Arma Fabrikak desegiteko legea etorri zen. Bi erabaki hauek Soraluzeko armagintza tradizionalaren errematea eragin zuten.
1900eko urtarrilaren 14a: Sologoeneko zentrala
Jose Miguel Aranguren Pagoegik Bergarako Juan Jose Larrañaga eta Santos Gallastegiri Sologoeneko zentrala ustiatzeko emakida saldu zien. Emakida hau 1898. urteko ekainak 4an lortu zuen.
1911ko urtarrilaren 14a: Irurak-Bat zentrala
Angel Astaburuaga Barrutiak Irurak-bat zentrala eraikitzeko emakida lortu zuen. 1915.ko abuztuak 2an Antonio Zabala Garairi saldu zion
1971ko urtarrilaren 14a: Soraluzeko Ametsa
Orduko lege eta arautegi esparruan erosoago egokitzeko, Soraluzeko Ametsa ikastola elizaren babesean jarri zen: eskola parrokiarena izango, izen berria Nuestra Señora de la Asunción, egoitza Abadetxean, eta titularra orduko parrokoa, Miguel Goikoetxea Zubizarreta.
2018ko urtarrilaren 15a: Sologoeneko zentrala
Jose Inazio Asensio, Gipuzkoako Foru Aldundiko Ingurumen Sailburua, zentrala bisitatu zuen bertatik bertara ezagutzeko eta Soraluzeko Udalarekin zentrala berritzeko akordioa sinatzeko.
1853ko urtarrilaren 16a: S.A. Euscalduna
Fábrica Nacional de Armas portátiles de la Villa de Placenciako zuzendaritzak Bernardo de Echaluceri Olabarrena inguruko eraikinak alokatu zizkion urte baterako, lanabes eta trepeta guztiekin.
1785eko urtarrilaren 17a: Juan Ignacio de Obiaga
Juan Ignacio de Obiaga Peruko erresumen inkisidore apostolikoa izan zen. Hil zenean diru asko utzi zion Soraluzeri. Egun honetan hil zeneko berria herrira heldu zen, eta testamentuaren berriak ere.
1627ko urtarrilaren 18a: Arma zuriak
Burnia eta ikatzaren prezioek etengabe gora egiten zutenez, Jeronimo de Aybar arma ikuskariak arma ekoizpenaren prezio-zerrenda prestatu zuen, ordura arteko salneurria eta proposatutako gainkostua, burdina eta ikatzaren igoera orekatzeko.
2007ko urtarrilaren 19a: Zaharren egoitza
Gipuzkoako Aldundiak eta Soraluzeko Udalak zaharren egoitza hobetzeko lankidetza sinatu dute.