Urtarrilaren 17rako egin du DYAk lehen ikastaroa, lehen sorospenen gainekoa. Datorren barikuan, urtarrilaren 17an da hitzordua, 19:00etatik 21:00etara, doan. Hainbat larrialdi kasu zela artatu aztertuko dute bertan: itolarriak, zauriak, erredurak, traumatismoak, bularreko minak, garuneko tronbosiak…
Eibarren
Bigarren hitzordua, berriz, urtarrilaren 25ean da, zapatua. Bihotz-Biriketako Suspertze Tailerra Familian izenburuarekin, helduendako zein 6 urtetik gorako umeendako eta gazteendako antolatutako ekimena da. “Modu erraz eta praktiko batean, bihotz-geldialdi bat identifikatzen eta honen aurrean jokatzen” erakutsiko dutela esplikatu dute. Ikastaro hori doakoa da 17 urtetik beherako guztiendako; helduek, berriz, 10 euro ordaindu behar dute.
DYAk iragarri duenez, ikastaroetarako lekuak mugatuta daude; Eibarko egoitzan izango dira, Pagaegi kaleko 5. zenbakian. Informazio gehiago behar izanez gero, edo zalantzaren bat argitu nahia, honako telefono zenbakira dei daiteke: 943 46 46 22 edeo www.DYAgipuzkoa.com helbidean sartu.