Urrian baino hiru langabe gutxiago kontabilizatu dituzte azaroan Soraluzen. Eta jaitsi egin bada ere, udalerriko langabezia-tasa ez da bueltatu uda aurreko eta udako datuetara, urteko baxuenetara, alegia; are gehiago, ia maiatzeko langabeziaren pareraino ailegatu da.
Herriz herriko alderaketari dagokionez, hor ez dago aldaketarik, eta bailaran Soraluzek segitzen du langabezia tasarik handiena izaten: %12,43. Soraluzeren ondoren dator Eibar, %12,25eko tasarekin. Eta tasarik baxuena duen udalerria, berriz, Mendaro da, %6,37arekin.
Udalerriz udalerri, honakoak dira azaroko langabezia datuak:
- Deba 194 %7,28
- Eibar 1.561 %12,25
- Elgoibar 484 %8,75
- Mendaro 63 %6,37
- Mutriku 201 %7,55
- Soraluze 233 %12,43
- Debabarrena 2.736 %10,34