Donostialdetik, Urola aldetik eta Debagoienetik bertaratu dira Deba eskualdera, besteak beste, Gipuzkoako nagusien egoitzetako langile grebalariak. ELA sindikatuak deituta, Bergaran euren egoeraren berri eman ondoren, Soraluzera etorri eta gauza bera egin dute.
EAJri eskaera zuzena
Gaurko protesta borobiltzeko, manifestazioa egin dute udalerrian kalerik kale, eta aldarrikatutakoen artean egoitzetarako finantzazioa exijitu diote zuzenean EAJri, eta besteak beste, Gizarte Politikako diputatu Maite Peñaren eta diputatu nagusi Markel Olanoren jarrera kritikatu dute. Horrekin batera, besteak beste, borroka feminista aldarrikatu dute, behin baino gehiagotan salatu dutenez, euren egoera ez litzateke oraingoa izango-eta emakumeak ez balira.