Dantza eta martxa, Oihan Vegarekin

Oihan Vega DJ ezagunak saltoka, kantuka eta dantzan ipini zituen zapatu iluntzean Plaza Zaharrean elkartu ziren gaztetxoak eta umeak. Kantu ezagunak, martxosoak eta dantzagarriak ipini zituen, bolumen handiarekin eta berak indartsu animatuta.

Eguraldia lagun izan ez arren, kalean zebiltzan gaztetxoak (ez asko) Plaza Zaharreko karpara erakarri zituen Oihan Vegaren DJ festak. Kantu ezagunak, hemengoak eta hangoak, umeendakoak eta gazteendakoak… denetarik ipini zituen Angiozarko DJak, eta berari begira zebiltzan gaztetxo guztiak dantzan ipintzea lortu zuen.

Saioaren bukaeran autografoak sinatu zituen eta hainbat zalerekin argazkiak atera zituen.