Atzo goizean lau ispilu ipini zituzten udal langileek Calongeko eta Atxuriko tuneletan. 1.190 euroko inbertsioa egin du Parekidetasun Batzordeak ispilutan, hain justu, bertan erabaki zutelako egokia zela ispiluok ipintzea aipatutako bi tunelak puntu ilunak baitziren, Mapa Morean ondorioztatutakoaren arabera.
“Badira hainbat hilabete erabaki hori hartu zela, eta apur bat berandu bada ere, azkenean ipini ditugu ispiluak”, esan du Patricia Borinagak, Parekidetasun zinegotziak. Aipatutako tunelek, ispiluez gainera, ohikoak baino argiztapen handiagoa ere badute, arrazoi berberarengatik.