Ondorengoak izango dira datorren martitzenetik aurrera (08:15etik, ordu horretako autobusa pasatu ondoren) zirkulazioan ezarriko dituzten aldaketak:
- Errekalde, Atxuri eta Errabal kaleetako zirkulazioak noranzko bikoitza izango du, semaforo bitartez erregulatuta. Erdigunean zirkulazioaren joan-etorria saihesteko ezarriko dute oraingo honetan noranzko bikoitza Errabalen, bertako garajedunei paso emateko. Semaforo bat jarriko dute Olako zubian, eta bestea egoitzarako aldaparen hasieran.
- Ezozibiden, Arraikuan, Estaziñoan eta Ola auzoetan ere noranzko bikoitza ezarriko dute, semaforo bitartez zainduta.
- SAPAko autobus geltokitik Baltegieta kaleko 4. zenbakira joateko noranzko bikoitza izango da.
Baltegieta kaleko garajeetara betiko lekutik sartuko da. - Erdiguneko zirkulazioak ohiko ordutegia izango du: itxi egingo dute astegunetan 15:00etan eta zapatuetan 13:00etan. Eta domeketan egun osoan izango da itxita.
Autobusen geltokiak
Aldaketek, autobusen joan-etorrian eragingo dute. Ondorengoak dira erabiliko diren geltokiak:
- Eibarrerako autobusa lehenik geldituko da Errekalden, eta gero Olatik sartuta, Estaziñoan izango du hurrengo geltokia. Eta azkena Ezozibideko 14. zenbaki parean.
- Donostiarakoa, berriz, bakarrik Estaziño kalean geldituko da.
- Mendaroko autobusari dagokionez, lau geraleku izango ditu: Sagarrerreka, Ezozibide, Estaziñoa eta Olako zubia. Behin azken horretako bidaiariak hartuta, GI-627ko biribilgune berrian buelta hartu eta saihesbidetik joango da.