Zapatuan, honako menua izango dute Itxaropena elkartean: menestra inperiala, bakailaoa bizkaitar erara, txahal masailak piperrekin, eta etxean egindako hostopilezko tarta eta helatua.
Bazkalostean egingo dute, ohi denez, urtero bi adinduri egiten dieten omenaldia: aurten Lucia Etxabe, 94 urtekoa, eta Carmelo Mendizabal, 91 urtekoa, omenduko dituzte eta besteak beste, argazki bana jasoko dute oroigarri.
Topaketa borobiltzeko, mexikar doinuekin alaituko ditu bertaratutakoak Marisa Iturbek, Soraluzen jaiotako abeslariak.